سالدی هیجران اودونا اول بت مه پاره منی
ائیله دی زولفوتک هیجرینده گونو قاره منی
درد طغیانیمه بیجا یئره زحمت چکمه
تاری شاهددی طبیب اؤلدورو بو یاره منی
قیلدی کونلوم قوشونو حلقه زولفونده اسیر
وار خیالی چکه منصور کیمی داره منی
سرکویوندا وطن قیلمیش ایدیم دیلدارین
اوزدو وصلیندن الیم ائیله دی آواره منی
من تک عالمده غم و درده گرفتار اولسون
کیم کی حسرت قویوب اول مهوش دلداره منی
سن بو حسنیله زلیخای جهانسان ای مه
نولا عشقین چکه یوسف کیمی بازاره منی
واحدا زولف نیگاریم اینجه لدی تنیم
کیم گؤرو بنزه دیر اول زولفده بیر تاره منی
علی آقا واحد
|
امتیاز مطلب : 8
|
تعداد امتیازدهندگان : 3
|
مجموع امتیاز : 3
عضو شوید
عضویت سریع
آمار مطالب
آمار بازدید
